煲劇好推介2023｜春季Netflix 5套人氣劇集推薦

到了春季時分，天氣又濕又熱，想靜靜地坐喺屋企慢慢Chill著煲下最新嘅人氣劇集？小編向你介紹香港Netflix 5套人氣劇集，劇集種類概括為懸疑、科幻、寫實喜劇、黑暗等，總有一個合你心意。劇集排名不分先後，現在就請立即去文！

煲劇好推介2023｜1. 黑暗榮耀

被稱為復仇神劇嘅《黑暗榮耀》，全新第二季終於喺3月10日上架！劇集描述由宋慧喬飾演嘅文同珢因家境貧困而在高中慘受朴涎鎮（林智妍飾）等人霸凌，結果身心受創只能被迫退學、放棄夢想。多年後文同珢秉持着復仇之心成為世明私立小學的教師，並打算從朴涎鎮女兒入手漸漸實現向當年的霸凌者朴涎鎮等人徹底報復的計劃。全劇節奏掌握得宜，赤裸裸咁表現校園欺凌嘅慘況，演員嘅演出緊係一絕，令人投身到角色當下嘅痛感同心情！期待住文同珢復仇結局嘅最終結局，第二季相隔一年後再次登上Netflix首週已經登上全球排行榜的冠軍位置！

煲劇好推介春季2023｜ 2. 以神之名 信仰的背叛

韓國紀錄片《以神之名：信仰的背叛》紀錄韓國攝理教、萬民中央教會、嬰兒花園、五大洋等異端邪教對教友所做嘅種種駭人事件，上架前曾遇到攝理教向法院聲請假處分，好彩沒有獲得法院同意，該片都得以順利上架播映。不少當年的受害者在片中現身說法，分享所遇到的駭人真相同經歷。片中所記載嘅邪教喺世界不同地方甚至本港皆有活躍，甚至有本港知名人士曾為當中一分子並受害，成為城中熱話！該片在上架短短一星期已經佔據前十。

煲劇好推介春季2023｜3. 太陽召喚

奇幻美劇《太陽召喚》相隔2年後強勢回歸，原班人馬潔西梅李、《納尼亞傳奇：賈思潘王子》班巴恩斯、阿奇雷諾斯、佛萊迪卡特、阿米塔蘇曼與基特楊等都再次出演！首季沒出現的烏鴉幫第六人「韋蘭」也將在第二季正式亮相！劇集改編至莉巴度格嘅小說《格里沙三部曲》，講述「太陽召喚者」阿利娜嘅故事，並融合了奇幻、冒險、犯罪等刺激元素。劇中所描述充滿濃濃異國情調嘅世界，帶俾觀眾宛如《冰與火之歌》、青春版《獵魔士》嘅奇幻世界，自上架以來一直屈居於人氣榜前十！

煲劇好推介春季2023｜4. 離婚律師申晟瀚

韓國JTBC嘅週末連續劇《離婚律師申晟瀚》改編自同名網絡漫畫，由《秘密森林》曹承佑主演主角申晟瀚。劇集描述申晟瀚原本為鋼琴家，但慘遭家庭悲劇後成為專門處理離婚訴訟嘅「離婚律師」。劇中主角所遇上各種曲折離奇的離婚官司正為一大看點，呈現並探討現代人的婚姻關係之間嘅拉鋸，當中的寫實描寫引起了觀眾共鳴，喺香港Netflix人氣榜進駐前十。

煲劇好推介春季2023｜5. 有吉弘行爆笑助攻

喺Netflix上架嘅最新搞笑節目《有吉弘行爆笑助攻》，由10位藝人、職業運動員擔任一日主持人並拍檔擔任助理主持人嘅日本當紅電視主持人有吉弘行，共同攜手呈獻精彩爆笑內容！每一集皆採用不同主題、形式，並由素人主持人以自己嘅想象力同特殊才藝設計出各種環節，而一啲被邀請嘅搞笑老將同新秀就要設法完成各種環節，仲要應付有吉弘行突然其來嘅盞鬼指示。一睇由多位素人主持人喺有吉弘行嘅助攻底下點樣造成熱血、最意想不到的笑點！